Khwaab-nagar he aankhen khole dekh raha hoon
us ko apni jaanib aate dekh raha hoon
kis ki aahat qarya qarya phail rahi he
deewaaron ke rang badalte dekh raha hoon
kaun mere jaadoo se bach kar jaa sakta he!
aaeina hoon, sab ke chehre dekh raha hoon
darwaze par tez hawaaon kaa pehra he
ghar ke andar chup ke saae dekh rahaa hoon
jese mera chehra mere dushman ka ho
aaeine men khud ko ese dekh raha hoon
manzar manzar veerani ne jaal taanne hen
gulshan gulshan bikhre patte dekh raha hoon
manzil manzil haul men Doobi aawazen hen
rastaa rastaa Khof ke pahre dekh raha hoon
shehr-e-sang dilaan men Amjad har raste par
aawazon ke pathar chalte dekh raha hoon
Thanks
Best Regards,
Dr. Muhammad Kashif Mahmood.
MD / FP
Al-Mustafa Medicare
E-mail address: dr.mkm12@gmail.com
Mobile # +0092-308-7640486.
No comments:
Post a Comment