::::|| VU ||:::: Mere Liye to Harf e dua Ho gaya wo shakhs

Mere Liye to Harf e dua Ho gaya wo shakhs
Saare Dukhon Ki jaise Dawa ho Gaya wo shakhs 

Main Aasmaan pe tha to Zameen ki Kashish Tha wo
Utraa Zameen par to Hawa ho Gaya wo shakhs 

Sochon bhi ab Usey to Takhayyul k par Jalain
Mujh se Juda hua to khuda Ho gaya wo shakhs 

Sab Ashk Pi Gaya Mere Andar ka Aadmi
Main Khushk ho Gaya hoon, Hara Ho Gaya wo shakhs 

main uska haath dekh raha tha k dafa'tan
simta, simat k rang e hina ho gaya wo shakhs

Phirta hai le k aankh ka kashkol dar badar
dil ka bharam lutaa to gadaa ho gaya wo shakhs

Yoon Bhi nahin k paas hai Mere wo Humnafas
Yeh bhi Ghalat k Mujhse Juda ho Gaya wo shakhs

parhta tha main namaz samajh kar usay Rasheed 
phir yoon hua k mujh se qazaa ho gaya wo shakh

--
For study materials, past papers and assignments,
Join VU School at www.VusCool.com
and www.VUGuys.com
CoooL Virtual University Students Google Group.
To post to this group, send email to coool_vu_students@googlegroups.com
For more options, visit this group at
http://groups.google.com/group/coool_vu_students?hl=en